Billboard-ah Momford & Sons
British chart lama hlawhtlinna an chan hnuah Momford & Sons chuan America-ah hlawhtlinna an chang ve leh ta. Billboard album chart tihchhuah tharah pakhatna an hauh.
Mumford & Sons album tihchhuah thar 'Wilder Mind' chu tunkar chhung khan copy 249,000 zet a hralh a, a hmaa an album, Babel erawh kha chu US-ah hian an tluk pha ta lo. Kum 2012-a an tihchhuah Babel album kha US-ah kar khat chhungin copy 600,000 zet an hralh thei a ni. He album hmang hian kum 2013 khan Grammy-ah Album of the Year an dawng nghe nghe.
Rock album a hlawhtling nep ta deuh hle a, Wilder Mind hi kum khat deuh thaw chhunga Billboard album chart-a rock album pakhatna hauh thei awm chhun a ni. A hmaa pakhatna hauh thei hnuhnung ber chu Coldplay album Ghost Stories kha a ni a, nikum June thla daih tawh khan niin, kar khat chhungin copy 383,000 an hralh.
Pahnihnaah Josh Groban-a album 'Stages' a awm a, he album hi tunkar chhung khan copy 101,000 lai a hralh tling. Now album chu pathumnaah awmin copy 71,000 lai an la hralh thei bawk.
"Wilder Mind" - Mumford & Sons (249,000)
"Stages" - Josh Groban (101,000)
The "Now 54" Album - Various Artists (71,000)
"Special Effects" - Tech N9ne (66,000)
"Jekyll + Hyde" - Zac Brown Band (66,000)
The "Fifty Shades of Grey" Soundtrack - Various Artists (53,000)
The "Furious 7" Soundtrack - Various Artists (46,000)
"In the Lonely Hour" - Sam Smith (39,000)
"1989" - Taylor Swift (36,000)
"X" - Ed Sheeran (36,000)