2024 MTV Europe Music Awards : Taylor Swift leh Tyla te an che ṭha

2024 MTV Europe Music Awards chu an ram huna Pathianni, November 11, 2024 zan khan Manchester- Co-Op Live-ah neih a ni a, American singer Taylor Swift leh South African singer Tyla te an che ṭha dun hle.

Taylor Swift hian nomination hmu hnem berin pasarih a hmu a, heng ṭang hian award pali a dawng. Best artist, best video, best live leh best US act award a dawng. North America lamah Eras tour a neih mek avangin a hmunah a inlan thei lo a, video message hmangin lawmthu a rawn sawi. South African singer Tyla chuan award pathum - best Afrobeats, best R&B leh best African act-a dawng ve bawk.

K-pop lam aṭangin Blackpink member Lisa, BTS member Jimin leh LE SSERAFIM ten award an dawng bawk a, Lisa hian award pahnih - biggest fans leh 'New Woman' (feat Rosalia) hmangin best collaboration a dawng bawk a ni.

2024 MTV Europe Music Awards hi Rita Ora leh Taika Waititi ten an host a, thla liam ta maia boral, One Direction member Liam Payne sunna hun hman a ni.