P. Diddy-an Kanye West chet dan a duh lo

Hip-hop star zinga hausa ber P. Diddy chuan a ṭhian ṭha tak Kanye West chu kawng tam takah thlawp mah se, award sema mi award dawn tur tihbuai a ching chu a duh lo hle a, a sawisel.

Kanye West hian MTV VMA-a Taylor Swift award dawn tur a tibuai tawh a, tun Grammy-ah khan mi tihbuai a tum deuh uai uai tawh bawk a nih kha. Hemi chungchang hi interview-naah P. Diddy hian sawi chhuakin, he­tiang nungchang Kanye West-an a pu ṭhin hi a duh lo hle tih a sawi chhuak.

'Kanye hnenah pawh hetianga a awm ṭhin hi ka duh lo hle tih ka sawi tawh a ni,' a ti. Kanye-an mi award dawn, a âwm lo tia a sawi ṭhin chu chhang let pahin, "Mi tin hian an thil tihah theihtawp an chhuah ṭheuh niin ka hria. Miin thil a dawng a, a hlawh chhuak a nih chuan, eng thil pawh ni rawh se, a phu a ni mai," a ti.