Vauna avangin Heidi Klum leh Germany an buai

Germany-a Mannheim-a SAP Arena-ah Germany's Next Top Model neih ṭhin a ni a, finale an nei dawn ṭep tihah bomb darh veka vauna an tawh avangin he show hi chawpchilh taka cancel a ni a, Heidi Klum, judge leh host ni bawk pawh venhimna hnuaiah dah nghal a ni. Heidi Klum chuan Twitter-ah, "GNT fan duh tak te u, khami tlai kha chu a vanduaithlak a, ka duh ang zawngin a tawpna siam theih a ni ta lo. Himna ngaih pawimawh hmasak a ngai si," tiin a ziak. Ningani zana finale tur kha a ni.