Underworld-ah Kate Beckinsale bawk

Vampire lam movie siam tawha hlawhtling bera chhâl ngam, Underworld chu a chhunzawmna tur ngaihtuah leh ṭan mek a ni a, Kate Beckinsale tel lo chuan a nih tur ang a ni tak tak thei lo a, a tel leh ngei dawn e.

Underworld thar tur hi Next Generation a ni a, he film hi Anna Foerster-in a direct dawn a, hmeichhia channa horror film, hmeichhia vekin a direct hmasak ber tur a ni. He movie hi October 2016 aṭangin shot ṭan tur a ni ang a, Czech Republic khawpui Praha (Prague)-ah an chang ang.

Anna hian film eng emaw zat a lo direct tawh a, a hlawhtling hlawm hle. Criminal Minds, Outlander, The Day After Tomorrow, 10,000 BC te kha a kutchhuak lian tham an ni a, Independence Day, Godzilla leh Stuart Little 2-ah te khan tha a thawh hnem hle bawk.