Ṭhazual Fakna Grace Lalchhanhimi 'Ka Chanchin' pakhatna a ni
Ṭhazual Fakna chart-ah Grace Lalchhanhimi 'Ka Chanchin' chu pakhatna a ni a, Amtea 'Engpawh Thleng Se' chu pahnihna niin Stace Punte 'Min Thlahthlam Ngai Lo' chu pathumna a ni.
'Ka Chanchin' a mawi
Grace Lalchhanhimi hla 'Ka Chanchin' hi ni thum liam ta vel aṭang khan YouTube-ah ngaihthlak tur a awm tawh a, Grace-i zai ngainatute tan duh hun huna hmeh chhuah theihin a awm tawh.
Mizo Idol Grace-i hla 'Ka Chanchin' hi chart Top 3-ah a inhlankaina a rei leh tawh a, chart tihchhuah apiangin hma a sawn zel a, tunah chuan pakhatna a ni ta. Grace-i zai thiam zia hretu chu Zoram mipuite kan ni a, a hla a mawi bawk nen pakhatna dinhmuna din hi a phu hle. Chart lehah a dinhmun ngaiah a ding nawn thei dawn em tih hriat a chakawm tawh hle a ni.
Grace-i hi Ningani zana Ṭhazual award sem turah pawh a perform dawn a, Best Female Artist Gospel category-ah nominee a ni bawk.
Pahnihna Amtea, Pathumna Stacy Punte
Amtea 'Engpawh Thleng Se' chuan hma sawn zelin pahnihna a ni tawh. Ṭhazual Award 2020-a Best Male Artist Gospel dawng thei mai tur dinhmuna ding mek Amtea pawh hi a perform dawn bawk a, tunlaiin huhang a ngah hle tih a hriat.
Pathumna pawh tunlai Gospel singer zinga huhang ngah ber pawl, zai nung ṭhin tak. Ṭhazual Award Best New Artist nominee Stacy Punte a ni a, a hla 'Min Thlahthlam Ngai Lo' tih chu pathumna a ni a, pakhatna ni turin a dinhmun a ṭha hle niin a lang.
Ṭhazual Gospel Chart a 'Hot' reng
Kristian ram kan nih angin Gospel artist kan nei ṭha a, Ṭhazual Gospel chart pawh hi kumtluanin a hot ti ila kan sawi sual awm lo e. Tun chart-ah pawh hian palina chu Zorinsanga Sailo 'A Hmangaih Aw' a ni a, pangana pawh Sawmtea 'Lalpa I Chawimawi Ang' a ni.
Top 10-ah hian Baby Malsawmtluangi, Mapeka, Sailo Lalsangzuali, Lalthlengliani Jongte leh Faktu-te pawh an lang.