Katy Perry Ṭawngṭaipui turin an ngen

Kristian chhungkua aṭanga seilian a ni a, mahse tunah chuan a kal dan a Kristian lo viau. A nu leh pa, pastor ve ve pawh an mang a ang a, an fanu, Katy Perry hi a pianthar theih nan ṭawngṭai turin mite an ngen.

Keith leh Mary Hudson, Katy Perry nu leh pate hian an fanu Kristian nun dan anga a nung lo chu hrehawm an ti a, a pianthar theih nan Church of Grace kohhran mipuite chu ṭawngṭai turin an ngen. Church of Grace hi Yorba Linda, California-a mi a ni.

Katy nu leh pate hian an fanuah hian an la beidawng lo a, Pathianin an ṭawngṭainate a chh‚ng ngei ang tih an ring. Kum 2008-a 'I kissed a girl' a rawn larpui hnuah tunhnai khan 'Rise' tih a siam a, he hla hi inspirational lam a ni a, a nu leh pate pawh an lawmin, amahah beiseina an neih san belhchhah hle.

Keith leh Mary te hian an fanu hi an vei hle a, a music pawh an ngaithla ngai lo nachungin, an nupaa an kal vena ‚wm chinah emaw, an tel vena tur awm chiah chuan an
ṭawiawm hram hram ṭhin. Katy Perry pawh hian a nu leh pate hi a la hnaih reng a ni. Grammy Awards-ah te, leh hetiang chi angahte an kalpui fo ṭhin. Mahse mi tam tak chuan an fanu music hi khawvel thil a ni a, heng hla a sak avanga lawmpuina a dawnna hmuna an kal ve zel hian khawvel hla a sak hi an thlawp a ni tih a entir a ni tiin a nu leh pa hi an sawi ṭhin. Keith thung chuan an fanu hla sak hi an duhpui lo a, amaherawhchu 'Isua nise engtin nge a tih ang?' tih a ngaihtuah a, ani pawhin a awm leh mawi tawkah chuan a kalpui ve ngeia a rin thu sawiin, Isua duhzawng nia a hriat avanga kal ṭhin a ni tih a sawi.

Katy Perry hian Kristian a ni tawh lo tih a sawi a, Marie Claire-in an kawmnaah, "Buddhist ka ni lo a, Hindu emaw Kristian emaw pawh ka ni lo. Chutihrual chuan Pathian nen thuk taka inzawmna kan nei a, hun remchang ka neih phawt chuan ka ṭawngṭai ziah a, mahni ka inthunun theih nan te, ka inngaihtlawm theih nan ten ka dil ṭhin," a ti.