Amitabh-a'n hepatitis a vei

Bollywood mi ropui, Amitabh Bachchan chuan hepatitis natna a vei hle a, India mipui zingah he natna vei an tlem theih nan naupang aṭanga inzirtir a ngai a ni a ti.

Amitabh chuan Hepatitis natna darh zel tur veng turin sorkar­in a enkawl naupang enkawlna leh hmeichhe enkawlna hmunah te he natna hlauhawm dan te, a inven theih dan te inzirtir nise a ti. Hetiang kawnga Maharastra sorkar hmalakna a fak hle a, "Maharastra sorkarin he natna do let tura anganwadi
aṭanga hmalakna tur a ruahman hi a ṭha hle a ni," a ti.

Amitabh-a ngei pawh hian hepatitis natna, Hepatitis B a lo vei tawh a, a thin hmun lia ṭhena hmun khat ngawtin a chhiat phah a ni. Tunah hian he natna do a, mitena an vei lohna turin theih­tawp a chhuah mek.