Calvin Harris-a'n West a thawhpui dawn lo

Taylor Swift bialpa ṭhen tak, Scottish DJ hlawhtling, Calvin Harris chu Kanye West nen hla an siam dun mai thei tih thu awm ṭhin chu a tak a nih loh hmel ta. Calvin Harris hian Kanye West hi hla a siampui dawn lo niin a sawi.

TMZ-in a tarlan dan chuan Calvin Harris leh Kanye West te hi hla siam dun chung≠changah an inbe lo hrim hrim niin a tarlang a, chu bakah amah Harris hian Kanye nena hla siam dun hrim hrim pawh a ngaihtuah lo niin a sawi bawk.

Calvin leh Kanye thawhdun chungchang hi Swift nena an inṭhen tirh kha sawi chhuah a ni a, July 23-a Las Vegas-a party-ah Kim Kardashian nen Calvin hi an inhmu a, thawhdun chungchang hi an sawi leh nia sawi a ni. Mahse TMZ hian Calvin leh Kanye te hi an thawkdun dawn lo tih a rawn tichiang.