Phone bakah Laptop

Xiaomi chuan an thilsiam chhuah an zauh a, phone chauh siam loin laptop (notebook) pawh an siam ṭan a, an laptop siam chhuah thar chung≠chang Xiaomi hian an puang chhuak.

Xiaomi laptop hi kum 2014 aṭanga beisei tawh kha a ni a, mahse kum≠inah an tichhuak ta chauh a, he laptop hi Mi Notebook Air a ni. Chi hnih an siam a, pakhat hi a hmai inchi 13.3 a hlai a ni a, pakhat dang hi inchi 12.5-a hlai a ni. Apple Macbook Air el tura siam a ni a, Windows 10 a hmang. Apple Macbook aiin a pan a, a z‚ng zawk bawk; an launch-naah hian an elpui ber Apple Macbook nena khaikhinna tarlan nghal a ni.

Mi Notebook Air a te zawk, a hmai inchi 12.5-a hlai zawk hian Intel Core M3 a hmang a, a RAM hi 4GB niin, a storage hi 128GB SSD a ni. China pawisa, renmibi (RMB) chuan 3,599 a ni a, India pawisa chuan Rs. 36,200 tlukpui a ni. A hmai hlai zawk, inchi 13.3 hian Intel Core i5, 6200U processor a hmang a, Nvidia GeForce 940MX graphics solution awmin, 8GB RAM a ni a, 256GB SSD storage a nei bawk. China pawisa RMB 4,999 a ni a, Rs. 50,200 tlukpui a ni.