Pink Floyd album lian tur

Pink Floyd chuan music album lian tak tur an buatsaih a, November 11 hian tihchhuah an tum. He album-ah hian disc 27 zet a awm dawn a, an hla hit tak tak bakah, an la tihchhuah ngai loh music te an telh ang.

Pink Floyd album turah hian kum 1965 aṭanga kum 1972 chhunga an music-te an dah dawn a, a man tur hi USD 700 zet a ni. He album chhungah hian a hmaa live-a an la play ngai miah loh music te pawh an dah dawn a, khawvelin a ngaihven hle.