Golden Globe-ah Fallon

Tonight Show hlawhtlinpui mek Jimmy Fallon chu nakkuma Golden Globe Awards sem huna host tur a ni tih puan chhuah a ni.

January 8, 2017 hian Golden Globe Awards sem a ni dawn a, he awards sem inkhawma emcee tur atan Jimmy Fallon chu hman a ni ang. Kum 2010 aṭanga 2012 chhung khan Ricky Gervais chuan Golden Globes hi a lo host tawh a, kumin khan a host leh a, Tina Fey leh Amy Poehler ten 2013-2015 chung khan an host bawk. Golden Globes hi NBC-in a tihchhuah ṭhin a ni.

NBC leh Jimmy Fallon te hi an lo tiho fo tawh a, Saturday Night Live-ah Fallon hi a tel ve tawh ṭhin a, Late Night with Jimmy Fallon te, The Tonight Show Starring Jimmy Fallon te pawh NBC nen an lo buaipui
tawh ṭhin.