Tun thlaah Ben Hur

Kristian film lar leh hlawhtling ṭhin, Ben Hur kha an siam ṭha leh a, tun thla, August 19 hian tihchhuah a ni dawn ta.

Ben Hur hi kum 1880-a Lew Wallace-a lehkhabu ziah, Ben Hur: A Tale of Christ aṭanga siam a ni a, a thawnthu ruangam hi chu mi tam takin kan hriat sa a ni. Juda mi, Ben Hur-a chanchin, a tawpa Isua nena an intawh dan vel a ni. Ben Hur lemah hian Jack Huston a chang dawn a, ani hi The Twilight Saga: Eclipse-ah te, Pride and Prejudice and Zombies-ah te pawh lo chang tawh kha a ni. A changtunu tur deuh hi Gal Gadot a ni a, Justice League Part II-ah Wonder Woman lemah a chang. Morgan Freeman chu Ildarin lemah a chang ang a, Isua lemah Rodrigo Santoro a chang ang.

August 26-a chhuak tur, Jason Statham channa, Mechanic: Resurrection hi a action ṭha tura ngaih a ni a, mahse Jason Statham hi a film chan tam takah a che ṭha thei lutuk a, a tihmuhnawm loh lek lek ṭhin. Action a ṭhatna tur chhan chu Jason Statham-a channa a nih mai bakah action movie-a mi ropui kan hmu nual dawn. A changtunu tur hi Jessica Alba kha a ni a, Tommy Lee Jones leh Michelle Yeoh te pawh an chang.

US ram puma tihchhuah tur ni lo, limited release zingah mi tam tak chuan Kingsglaive: Final Fantasy XV hi an hmu chak viau ang; he film hi August 19-a tih≠chhuah tur a ni. Zirtawpni zan hian US-ah movie thar an chhuah nual dawn a, Suicide Squad, Nine Lives, Let's Be Evil, Five Nights in Maine, Bazodee, Little Men, Sun Choke leh The Little Prince te hi a chhuak thar turte chu an ni a, blockbuster ang chi a awm hmel loh.