BET Awards nomination list puang chhuak

Midumhoten music leh enter­tainment huang chhunga hlawh­tling an chawimawina BET Awards nomination list puan chhuah a ni a, hetah hian Chris Brown a langsar a, hmeichhiaah chuan Nicki Minaj a lang hnem thung.

Chris Brown hian nomination paruk lai a hmu a, chung zingah chuan Best Male R&B/ Pop Artist pawh a tel. Nicki Minaj lan­sarhna chu Best Female Hip-Hop artict a ni. An pahnih hian Best Colla­boration, Video of the Year leh Viewers' Choice Award-ah te an lang dun bawk.

Beyonce chu category paliah a lang a, Lil Wayne pathumah a lang bawk. Nominee langsar zual zingah FKA Twigs, Iggy Azalea, Rihanna, Bruno Mars, The Weeknd, Sam Smith te sawi hmaih loh chi an ni ang. June 28 khian Nokia Theatre Hall, Los Angeles-ah an sem ang.