Songwriters Hall of Fame 2025 nominee puang

Songwriters Hall of Fame chuan Class of 2025 nominee a puang a, an zingah hian hip-hop pioneer - Eminem, N.W.A leh R&B icon Janet Jackson te pawh an tel.

List-ah hian genre hrang hrang - country, rock, folk leh pop artist-te an lang a ni. December 22 thleng vote theih an ni dawn a, voter-ten songwriter leh performer category aṭangin nominee hi pathum ve ve an thlang chhuak ang.

Songwriters Hall of Fame hi kum 1969 khan hla phuah lama thawh hlawk tak takte chawimawina tura siam a ni, Hall of Fame-a lak luh tawh zingah hian Carole King, Paul Simon, Billy Joel, Elton John, Brian Wilson, Bruce Springsteen leh Neil Diamond te pawh an tel. Kum 2017 khan Jay-Z lak luh niin,rapper zinga lak luh hmasa ber a ni. Tun hnaia hip-hop artist te pawh an rawn langsar chho zel a, hip-hop legend Jermaine Dupri, Timbaland, Snoog Dogg, Missy Elliot leh The Neptunes te pawh Songwriters Hall of Fame ah hian lak luh an lo ni tawh bawk.

Songwriters Hall of Fame 2025 nominee-ah hian Bryan Adam, Mike Love (The Beach Boys), David Gates (Bread), Walter Afanasieff, Mike Chapman, Narada Michael Walden, Doobie Brothers-a Tom Johnson, Patrick Simmons leh Michael McDonald, Steven Winwood, Tommy James, Franne Golde, Tom Douglas, Ashley Gorley, Roger Nicols, Rodney Darkchild Jerkins, Sonny Curtis leh Tony Macaulay te an lang bawk a ni.