Mizo film thar 'Sual Inthup' tlangzarh dawn

Fanai Pictures movie pathumna, 'Sual Inthup' chu zanin dar 8-ah Vanapa Hall-ah Er. R. Lalrinkima'n a tlangzarh dawn. Zaninah vek Lersia Play-ah en theiha chhawp chhuah nghal a ni ang.

'Sual Inthup' ah hian Zonunpuii Hnamte, Mendal, Zaii Hauchhum, Edisona pa, LV entertainment leh Lalengzuali te an chang a, F. Lalrindika ziah leh direct niin, a movie hi Mizo te hmuhnawm tih zawng, zirtir nei ṭha tak a ni. Director of photography hi Muantea niin, makeup artist Sawmtei PC leh score hi Laldinpuia kut chhuak a ni bawk.

Champhai Zotlang leh a chhehvel bakah Aizawl lamah shooting hi neih niin, thla hnih chuang hun an hmang a ni. Vanapa Hall-ah en duh tan ticket, Rs 100 man siam niin a hmunah a lei theih ang.