Vanity Fair-in Blackpink Lisa thlavang hauh

Vanity Fair magazine chuan an Hollywood Issue cover-a Blackpink member Lisa an lantir tel chungchanga sawiselna awm chu chhangin, Lisa thlavang an hauh.

Lisa hian lemchan lamah hnuhma a la nei lo chungin Vanity Fair Hollywood Issue-ah Hollywood star lar rualte nen an lang a ni. Hei vang hian sawisel a tawk nasa hle. Mahse Vanity Fair editor-in-chief, Radhika Jones chuan special issue- cover-a K-pop star an dah telna chhan hi sawiin, "Lisa hi Hollywood lamah hriat la hlawh lem lo mah se K-pop khawvelah star lian tak a ni tawh," tiin HBO series, 'The White Lotus' season tharah a chan tur thu a sawi. Hei hi kum 2025 ah tih chhuah a ni ang. Vanity Fair cover-ah hian Lisa hi Kidman, Zendaya Coleman, Zoe Saldana, Dev Patel, Bill Skarsgard leh Danielle Deadwyler bakah Hollywood star lar tharte nen an lang ho a ni.