'Tomb Raider' series-ah Sophie Turner

Amazon live-action 'Tomb Raider' TV series-ah Lara Croft lema chang turin Game of Thrones actor, Sophie Turner hming sawirik a ni.

Kum 2023 January thla khan Tomb Raider series siam tur hi sawi thawm a awm tawh a, kumin May thla khan Amazon chuan official-in series hi siam a ni dawn tih a puang a, a bak erawh sawichian ala nei lo. Hemi hnu hian Lara Croft lema chang tur hi zawhna a tam chho nghal hle a, October thlaa screentest neihah Sophie Turner leh Bohemian Rhapsody actor Lucy Boynton te pahnih thlurbing an ni leh a, Sophie Turner zawkin Lara Croft role a chang hi a beiseiawm zawk nia sawi a ni. Mahse Amazon lam chuan engmah an la sawilang lo thung. 'Tomb Raider' live action adaptation-ah hian Angelina Jolie leh Alicia Vikander te chu Lara Croft-ah an lo chang tawh a ni. Turner hian he role hi a chang thei a nih chuan, Game of Thrones hnuah television role a chan palina tur a ni ang.