Movie script rua puhin LeBron James an khing

Filmmaker Rob Grabow chuan Lebron James, a production company leh Netflix chu basketball film a siam, 'The Gift of the Game' script ruksakah puhin a khing.

Grabaw chuan 'The Gift of the Game' hi a ziah nia sawiin, Native American high school basketball player pakhatin a team state title a lakpuina chungchang a ni. He script hi Netflix, James leh a production company pawh a entir tih a sawi. Hemi hnu hian kum 2023-a James production company film tih chhuah, 'Rez Ball' chuan an film-ah hian a idea hi an lo hmang tih a sawi. Plot, theme, character leh ending pawh a in ang hle tih sawiin, 'Rez Ball' hian an lehkhabu behchhan aiin ama screenplay a ang zawk a ni, a ti. Copyright dan bawhchhia leh contract palzuta puhin a khing zui ta a ni.