Vfl Wolfsburg leh FIFA 15 player

German club lian Vfl Wolfsburg chu electronic sports lamah an zuang lut a, tunah hian Meet Your Makers Fifa 15 player ṭha pahnih chu inremna an ziahpui.

Vfl Wolfsburg hian Benedikt 'Salz0r' Salzer leh Daniel 'Dani' Fink te inremna an ziahpui a, Wolfsburg manager Klaus Allofs chuan, "Nakin zelah heng khawvel pahnih - esports leh sports pangngai hi khawvel pakhata awmtir kan tumin kan duh a ni," a ti.

He club hian esports hi tihhmasawn a tum hle a, a bikin FIFA game bik an tuipui lehzual hle. Tuna inremna an siampui, Salzer zawk hi khawvelah pawh FIFA 15 bikah chuan a ṭha pawl niin, tunah hian Germany-ah a champion mek. Heng FIFA 15 player pahnihte hian Wolfsburg hming an bei ang a, Wolfsburg hian a pui dawn a ni.

Kum 2013 khan Wolfsburg hian VBL tih a lo huaihawt tawh a, hei hi FIFA game-a intihsiakna a ni a, Volkswagen Arena-a intihsiakna hi neih a ni.