Sawyer Fredericks Voice Winner

The Voice season 8 an zo a, zaithiam hrang hrang intihsiakte zingah Pharrell Williams-a nau, Sawyer Fredericks chu pakhatna a ni. Pharrell-an The Voice a zawm china a naute aṭanga pakhatna ni hmasa ber a ni.

He singing compe­tition-ah hian Blake Shel­ton-a team-a mi Meghan Linsey chu pa­hnihna a ni a, Adam Levine-a nau Joshua Davis chu pathumna niin, Pharrell-a nau tho Koryn Hawthorne chu palina a ni.

The Voice intihsiakna result puan zan hian finalist palite hi an team mate-te nen ṭheuh an zaiho leh. Joshua Davis leh Sheryl Crow an zai dun a, Give it to me hla an rawn sa a, Koryn chu Kelly Clarkson nena rawn zaiin, I'd Rather Go Blind hla an sa dun a, an thiam hle. Meghan pawh Kelly Clark­son nen tho an zai a, Sawyer chu a zaithiam duh berte zinga mi John Fogerty nen an zai bawk.

Zaithiam hlang kha coach an ni bawk a, anni an zai loh chuan show a kim thei lo. Pharrell, Adam, Blake leh Christina Aguilera ten The Thrill Is Gone hla an sa a, an thiam viau, music genre inang lo deuh ṭheuh an ni a, mahse an sak ṭhan tawh ang mai a ni. Meghan Trainor, Maroon 5, Luke Bryan leh Ed Sheeran ten entu mipuite lawm an hlawh a, guest artist ropui tak tak vek an ni.