BSNL-in plan thar siam
India rama internet service provider lian BSNL chuan 2G leh 3G bikah plan thar an siam a, data pack hman zawh kher loh pawhin a hnua recharge lehin data pack hman zawh loh kha a chhawm zui zel theih dawn.
BSNL thuchhuah chuan GSM 2G leh 3G pre-paid mobile hmangtu zawng zawng, India ram chhung zawng zawng a huam vek dawn a ni. BSNL hian internet plan man tlawm zawk 3G mobile tan a ti thar bawk. BSNL hian cheng 68 man Data Special Tariff Voucher a tichhuak thar a, hetah hian 3G Mobile date 1 GB a keng a, ni 10 chhung a dam. Data internet pack man tlawm ber a ni a, operator dangten hetianga tlawm hi an la zuar lo.
India rama bul ṭantu BSNL hian ṭan an la thar hle a, service thar chi hrang hrang an tichhuak reng. Hmun tam takah customer an chân nasa a, hei vang hian ṭan an la nasa lehzual hle a ni.