Hriatrenga'n hla thar tichhuak

Christy Zaithanchhungi nen duet-a an rawn hit viau hnu khan Hriatrenga hian ama mimalin hla a la tichhuak lo a, mahse tunah chuan ama pual liau liau a, a video tur, kan hriatrengna ni ngei tur a rawn tichhuak ve leh ta.

Mizo Idol aṭanga kan hriat Hriat­renga hian Mizo mipuite min awi khât leh ta khawp kha a ni a, tunah erawh chuan TV lamah a hmel kan hmu thuai ang.

Hriatrenga video thar hi 'Aw di bawihte' a ni a, V. Vanlalhruaia hla phuah a ni. Christy nen khan Zosangliani'n a lo sak ṭhin 'Muanna nge hmangaihna' tih hla an hlawhtlinpui hle a, tunah hian a malin a che chhuak dawn a, a hlawhtling ang em? Beisei erawh a sang; Idol-ah khan a che ṭha a, a thleng sang a, Christy nena an sak dunah pawh khan a thiamzia kan hria a, tuna mi pawh hi a hlawhtlinpui turah ngai ang.