Miss Universe 2024 Victoria Kjaer Theilvig

Miss Universe 2024 atan Miss Denmark, kum 21 mi Victoria Kjaer Theilvig chu thlan a ni a, Denmark ramin Miss Universe title an lak ṭum khatna a ni.

Mexico ram aiawh Fernada Beltran chu first runner-up niin, Nigeria ram aiawhtu Cnidimma Adetshina chu second-runner a ni. Top 5-ah Thailand aiawh Opal Suchata Chuangsri leh Venezuela aiawh Ileana Marquez te an lang bawk. India ram aiawh, Rhea Singha erawh chu final 12 a tling zo ta lo.

73rd Miss Universe competition hi Mexico City-a Arena CDMX-ah an ram huna Pathianni zan khan neih a ni a, India ramah erawh Pathianni zing lam a ni thung. He intihsiaknaah hian ram 125 aiawhte an inlan.

Miss Universe 2024 Victoria hi entreprenuer leh dancer a ni bawk a,business leh marketing-ah degree a nei. Kum 2022 khan Miss Grand International-ah top 20 ah a lang a, barbie a an avangin 'Human Barbie' tiin a hming an vuah sak a, a lar zui hle. Kum 2024 September khan Miss Universe Denmark atan thlan niin, Miss Universe competition-ah an ram ai a awh ta a ni.

Victoria hian Miss Universe 2024 title a kawl chhung hian annual salary $250,000 a dawng dawn a, Miss Universe Organisation-in humanitarian work a thawhnaah ambassador niin ram 30 chuangah a zin kual ang. Hei bakah Miss Universe travel show thar siam chu a host dawn bawk a ni. New York-ah luxury apartment buatsaih sak niin, kum khat chhungin skincare leh cosmetics a thlawna supply a ni dawn a, Pandora aṭangin two-carat ring leh Bulova sana a dawng bawk. Miss Universe Crown, lunghlua cheimawi 'Force of Good' an tih hi USD mtd 5.5 man vel nia chhut a ni bawk.