Oscar 2025 host tur Conan O'Brien

'Tonight Show' host hlui, comedian Conan O'Brien chu 97th Annual Academy Awards host tura thlan a ni.

2025 Oscars hi March 2, 2025 hian Ovation Hollywood-a Dolby Theatre-ah neih a ni dawn a, O'Brien hian Oscars a host vawi khatna tur a ni. Academy CEO Bill Kramer leh Academy president Janet Yang-te chuan host atana Conan O'Brien an thlan thu hi thuchhuah inṭawm siamin an ti chhuak a, an phur hle tih an sawi. Oscars host atan hian late-night show host, Jimmy Kimmel chu ṭum li hman a lo ni tawh bawk. Kum 2025 atana host tura an sawmna chu a hnar a, ani bakah comedian John Mulaney pawn a lo hnar tawh bawk.