Tuirial Jail tlangzarh a ni ta

Mizo Film Tuirial Jail chu nizan khan deputy chief minister Tawnluia'n Vanapa Hall-ah a tlangzarh. Tuirial Jail hi nikum Decem­ber 5-a tlangzarh tum kha a ni a, harsatna an neih avangin nizan khan tlangzarh a ni ta chauh a. Mizo history-a hmun pawimawh tak luah reng tawh tur, October 7, 1979-a Tuirial Jail aṭanga tangte tlanchhuah dan chanchin ngaihnawm tak chu he film 'Turial Jail'-ah hian tihlan a ni.

Lal Hmingtea Fanai (Milestone Picture) direct a ni a, Chamte graphic-te leh VFX lam buaipuitu Sawma-te nen an thawk ho. Jail aṭanga tlanchhuakte be kualin, lehkhabu hrang hrang a rawn hnuah a script hi Sangzuala Pachuau chuan a ziak bawk. He film hi veng hrang hrangah 'show' tura hauhtu an tam tawh hle a, a hre chiang duh chuan  9089196591-ah  zawh fiah theih a ni.