Minute 35 chhungin Glastonbury 2025 ticket hralh zo

Khawvel huapa music event ngaihhlut hlawh, England-a neih ṭhin, Glastonbury Festival 2025 atan ticket an zawrh chhuah chu minute 35 chhungin an hralh zo nghal vek. Organiser-te chuan ticket return leh cancel an awm a nih chuan nakkum lamah zawrh leh a ni ang, an ti.

Glastonbury 2025 hi June 25 - 29, 2025 chhung hian Worthy Farm, Somerset-ah neih a ni leh dawn. An ram huna Pathianni zing dar 9 khan ticket hi hralh chhuah niin, mi nuai hnih mtd 2 chuangin ticket an nei fel der ta. Kum 2023-ah khan ticket hi minute 37 chhungin an lo hralh zo tawh bawk. Glastonbury 2025-a perform turte hi tih chian an la awm lo a, social media lamah erawh perform tura an rinte an sawi nasa tawh viau thung. Sawi lan zingah hian Olivia Rodrigo, Sam Fender, the 1975, Eminem leh Green Day bakah Harry Styles te pawh an tel. Organiser-te hian perform tur hi nakkum lamah official-in a puang chauh ang