Favorite New Music-ah Jin 'Happy'

Kar liam ta chhunga music tih chhuah thar zinga fan-ten an duh bera an thlan chhuah chu BTS member, Jin debut EP 'Happy' a ni.

Billboard poll-a fan-te all genre aṭanga an duh bera an thlan, Jin 'Happy' hian vote tla aṭanga 83% a hmu pha. Gwen Stefani, Tate McRae, Linkin Park, Shawn Mendes, Rauw Alejandro, Shaboozey, Lil Nas X te chuan Jin hi an pha lo. 'Happy' hi November 15-a ti chhuakin, hemi rual hian a title track, 'Running Wild' music video pawh a ti chhuak tel nghal a ni. He album-ah hian hla paruk a awm. Jin hi BTS member zinga solo project ti chhuak hnuhnung ber a ni.