Bluesky user an pung

US President atana thlan tlin tak, Donald Trump thlawptu langsar ber zingah social media platform lian, X neitu Elon Musk a tel. Hei vang hian Democrats thlawptu tam tak chuan X an hman tawh loh tur thu an sawi a, hei vang hian platform dang, Bluesky hmangtu an pun phah.

Bluesky hi kum 2019-a siam ni mah se hmangtu an tam lutuk lo a, mahse US President-a Donald Trump a tlin hnuah an pung chho ta a, ni khatah user hi mtd 1-a pun nite a nei a ni. Beisei ang em em erawh chuan an pung nasa rih lo thung. He platform hi X nen an inang hle a; post, comment, repost leh like te a theih. A siamtu pawh hi Twitter ( tuna X ni ta) hotu hlui, Jack Dorsey tho a ni. Mahse board member aṭangin kumin May thla khan a bang a, a account pawh a delete vek tawh bawk. Tunah hian chief executive Jay Graber kutah a awm a ni.