Zion Tlaichhun MV thar a chhuak dawn

Youth Icon intihsiakna neih zawh taka Top 8, Zion Tlaichhun chuan music video thar a ti chhuak dawn. A hla tih chhuah tur hi 'I tel ve lo (Cho Loh di zun)' tih niin ama phuah a ni.

Music & recording hi Princeton Roads kut chhuak niin, video hi RDS Shots Video Production siam a ni. Youth Icon intihsiakna zawh hnuah official music video a tih chhuahna hmasa ber tur a ni. Zaninah a Youtube channel-ah dah chhuah a ni dawn a, video a siamna tura puitu zawng zawngte chungah lawmthu a sawi nghal tih Vanglaini a hrilh. Zion hi November 20, 2024 hian an khua, Hnahlan-ah a haw dawn a, an khua pawhin lo hmuah an tum a, Icon Top 10-a tling ṭhenkhatin an zui dawn a ni.