Michael W. Smith-an a ṭanpui

Kristian zaithiam lar leh hlawhtling Michael W. Smith chuan sipai chhungkuate ṭanpuina tur atan a guitar, a hming sign chuanna chu lilam turin a pe.

United Service Organisations chuan American sipaite nun a hahdam a, a nawm a, an chhungkuate rilru chhawk zangkhai nan hna a thawk ṭhin a, sipaite leh an chhungte hnenah thilpek an pe ṭhin. USO-in thilpek an pek tur an lei nan hian Michael W. Smith chuan a guitar hi a pe a ni.

He guitar hi eBay kaltlanga lilam a ni a, dollar 657.88-a hralh a ni a, he guitar leitu hian VIP Concert ticket pahnih a dawng bawk. He ticket hmang hian kumin chhunga Smith-a concert a en thei vek dawn a ni.

Smith hian sipaite a ngaihtuah hle a, a theih ang angin a ṭanpui ṭhin. Glory album-a a hla 'The Patriot' pawh kha sipai, sipai aṭanga chawl tawh te leh an chhungte tan a hlan a ni.