Games Awards 2024 nomination: 'Astro Bot' leh “Final Fantasy VII: Rebirth” an langsar

Games Awards 2024 neih tur atana nomination chu puan an ni ta a, “Astro Bot” leh “Final Fantasy VII: Rebirth” langsar berin, nomination pasarih ve ve an hmu. "Metaphor: ReFantazio" chuan nomination paruk a hmu bawk.

Kumin hi Games Award vawi 10 neihna tur niin, competitive category 29-ah award semin, Game of the Year pawh thlan a ni dawn. Games of the Year atana nominee te hi “Astro Bot,” “Balatro,” “Black Myth: Wukong,” “Elden Ring: Shadow of the Erdtree,” “Final Fantasy VII Rebirth,” leh “Metaphor: ReFantazio” te an ni. Kum 2023 khan Game of the Year-ah hian Baldur's Gate thlan a ni.

Best mobile game category-ah AFK Journey (FARLIGHT/Lilith Games), Balatro (LocalThunk/Playstack), Pokémon Trading Card Game Pocket (Creatures Inc/TPCI), Wuthering Waves (Kuro Games) leh Zenless Zone Zero (miHoYo) te chhawp chhuah a ni bawk.

Best Multiplayer Game category-ah Call of Duty: Black Ops 6 Treyarch/ Raven/Activision/Xbox), Helldivers 2 (Arrow Game Studios/SIE), Super Mario Party Jamboree (Nintendo Cube/Nintendo) leh Tekken 8 (Bandai Namco) te an lang bawk a ni.

Warhammer 40,000: Space Marine 2 (Saber Interactive/Focus Entertainment)

December 12, 2024 ah Los Angeles-a Peacock Theatre ah Game Awards hi neih a ni dawn a, Geoff Keighley-a'n a host ang. Show hi platform 30 chuanga a thlawna en theih tura pek chhuah a ni dawn a, heng zingah hian Twitch, YouTube leh TikTok Live pawh an tel. Fan-te tan December 11 thleng vote thlak theih a ni dawn a, winner hi mipui vote leh jury-te vote belhkhawm aṭangin thlan a ni ang.