TXT in Billboard record siam

TXT chuan Billboard chart-ah record siamin, K-pop artist zingah Top Album Sales Chart-ah No 1 ni thei album ngah ber an ni.

Kar liam ta chhunga US-a album hralh kal ber, Top Album Sales chart-ah TXT mini album thar, “The Star Chapter: SANCTUARY” chu No 1-ah awmin, K-pop act zingah No 1 album pasarih nei thei hmasa ber a ni. Hemi hma hian an album dang, “minisode 1: Blue Hour,” “The Chaos Chapter: FREEZE,” “minisode 2: Thursday’s Child,” “The Name Chapter: TEMPTATION,” “The Name Chapter: FREEFALL,” leh “minisode 3: TOMORROW” te chu chart-ah hian No 1 an lo nihpui tawh bawk.