Zaninah Praise On 2024 Top 5 intihsiak dawn

CKṬP leh Synfo buatsaih, mal zai intihsiakna, Praise On 2024 chu a hmawr bawk a hnai ta. Zaninah hian a thiam zual panga thlan chhuahte an intihsiak dawn a, naktuk zanah result puan a ni ang.

Praise on Top 5 intihsiak hi Dawrpui Kohhran Hall-ah neih a ni dawn a, hla pahnih ṭheuh sain, mahni hla duh ber leh judge-te hla chhuah sa hmangin an intihsiak dawn a ni. Live music-a rem tur a ni. .

Zanina intihsiak turte hi - J. Lalruatsangi (Sihphir Branch), Lalthlanawma (Ramhlun Branch), Maria Lalmuanpuii (Chhiahtlang Bazar Veng Branch), P. Vanlalhriatpuia (Chaltlang South Branch) leh Samuel Lalmuanchhana (Armed Veng Branch) te an ni.

November 22, 2024 zanah Dawrpui Kohhran Hall-ah vek hian Grand Finale neih a ni dawn a, result puan leh lawmman semna hun hman a ni ang.

Praise On 2024 intihsiak hi September 3, 2024 khan hlanna neih niin, audition hi Aizawl leh Aizawl pawn lam hmun hrang hrangah neih a ni. October 14-15 chhugin First Round intihsiak neiin, October 24 leh 25-ah second round neih a ni a, November 7 leh 8 khan Top 10 intihsiakna neih a ni leh a, heta ṭang hian Top 5 hi thlanchhuah an ni. Top 5 aṭang hian winner thlan chhuah a ni tawh dawn a, pakhatna hian lawmmanah Rs 1,20,000 dawngin, pahnihnain Rs 70,000, pathumnain Rs 50,000 leh Top 5-a tling dang mi pahnihte hian Rs 15,000 ve ve an dawng dawn a ni. Top 10-a tling ten Rs 10,000 an dawng dawn bawk.