Tomorrowland a pakhatna hram

North America lamah chuan Pitch Perfect a tawlh hniam a, Tomorrowland-in box office-ah pakhatna a rawn chang; pahnihna nena an sum hmuh erawh a inthlau tehchiam lo thung.

Brad Bird-a direct film, sci-fi lam, Tomorroland hian kar tawp chhung khan dollar mtd 32.1 a lalut a, he film hi US bakah France, Germany, Italy, Russia, Mexico leh UK-ah te tihchhuah a ni a, Russia bikah hian an box office-ah pakhatna a ni a, kar tawp chhung khan dollar mtd 3.6 a lalut. US pawn aṭanga a sum hmuh chhuah zawng zawng hi dollar mtd 26.7 a ni a, US-a mite nen dollar mtd 59 a hmu tling tawh a ni.

Pitch Perfect 2 chu pahnihnaah a la awm thei a, kar tawp chhung khan dollar mtd 30.3 lai a hlawh chhuak a ni. Hengte nen hian North America aṭang bikin Pitch Perfect hian dollar mtd 125.4 lai a hlawh chhuak tawh a, US pawn aṭangin dollar mtd 15.2 a lakluh belh lehte nen, dollar mtd 61.7 lai a hlawh chhuak tawh a ni.

Top 10-ah hian Avengers: Age of Ultron chu panganaah a la awm a, dollar mtd 20.8 zet a la hlawh chhuak thei a, Furious 7 chu pariatna niin, dollar mtd 2.1 a la lalut.

Box office movies
"Tomorrowland" - $mtd32.1
"Pitch Perfect 2" - $mtd30.3
"Mad Max: Fury Road" - $mtd23.8
"Poltergeist" - $mtd23
"Avengers: Age of Ultron" - $mtd20.8
"Hot Pursuit" - $mtd3.4
"Far From the Madding Crowd" - $mtd2.2
"Furious 7" - $mtd2.1
"Paul Blart: Mall Cop 2" - $mtd1.7
"Home (2015)" - $mtd1.6