Mathematician lar John Nash accident-in a thi
Ama chanchin film, Beautiful Mind an siam pawh Oscar hial a dawng a, he mathematician ropui leh lar, John Nash hi kum 86 mi niin, New Jersey-a motor chetsualnaah a thi.
John Nash hi mathematician ni mah se, kum 1994 khan Economics-ah Nobel Prize a dawng thung. Mathematics khawvela an hriat larna chu game theory te, differential geometry te, partial differectial equations te hi a ni. A theory te hi economics lamah an hmang ṭangkai hle a, chu bakah chuan computing, evolutionary biology, artifial intelligence, accounting, politics leh military-ah thleng an hmang ṭangkai hle.
Kum 1959 aṭang khan rilru lama damlohna, paranoid schizophrenia a nei tih hmuhchhuah a ni a, uluk taka enkawl a ni a, heti chung hian khawvel tan thil ropui tak tak a hmuchhuak a ni. Inrinni khan New Jersey-a motor-a an leng chu a chesual a, amah leh a nupui, Alicia Nash te an thi a ni. Amah hi kum 1928 June 13-a piang kha a ni.
Ama chanchin behchhana film an siam Beautiful Mind hi kum 2002-a tihchhuah kha a ni a, he film-ah hian Russell Crowe chuan John Nash lem hi a chang. John Nash-a lem a chan avang hian Russell Crowe hian Oscar-ah hian Best Actor-ah nomination a hmuh phah a, a film hian Best Picture a dawng nghe nghe.