Youth Icon 2019 Zothanpuii Music Video hmasa ber zaninah

Youth Icon 2019 Zothanpuii chuan a music video hmasa ber 'Humhimna' chu a peihfel ta a, zanin hian thlira ngaihthlak theihin a tlangzarh dawn.

'Humhimna' hi India Eastern Territory-a Salvation Army zaipawl sang ber Territorial Staff Songsters, Songster Leader K Zohmingthanga'n sap hla aṭanga a lehlin a ni a, music chu Kima Chhangte kutchhuak a ni thung HC Recording Studio, Venghnuaiah recording hi tiin video hi Gabriel Graphix kut chhuak a ni thung.

Zothani hian a music video hmasa ber hi programme pangngai taka tlangzarh hun buatsaih a tum a, mahse hri leng vangin a buatsaih thei dawn ta lo. Zanin dar 8-ah hian Zorimawi YouTube channel-ah thlira ngaihthlak theihin a dah chhuak dawn ta zawk a, Zothani zai ngainatute tan chuan ngaihven chi hle ang.

He hla hi TSS lam pawhin an lo sa fo tawh a,  Joy Webb-in Sam 91-na behchhana a phuah niin kan tunlai boruak nen pawha inmil hle. Sual leh harsatna hrang hrang laka Pathian humhim dilna leh Pathian angchhungah chuan kan him ngei dawn tih chu hlain Zothani hian a rawn sa chhuak a ni.