Huawei MatePad T8 India ramah tlangzarh
Huawei MatePad T8 tablet chu India ramah tlangzarh a ni ve ta a, September 15 aṭangin Flipkart chuan an zuar chhuak ṭan dawn.
Khawvel ram dangah chuan May thla khan tlangzarh tawh niin India ramah chuan tun thla aṭang hian an zuar chhuak ve ṭan dawn chiah a, budget tablet-ah chuan rintlak pawl tak tur a ni. 8 inch tablet niin variant chi hnih Wi-Fi only leh LTE model a awm.
Octa-core CPU a hmang a, variant pahnih hi 2GB + 32GB storage niin game khelhna atan chuan a laktlak vak dawn lo tih a chiang a, chutih rual erawh chuan lehkha chhiarna leh lehkha zirna atan erawh a laktlak viau dawn thung.
Wi-Fi chauh hmang hi Rs 9,999-a zawrh a ni dawn a, LTE model erawh hi chu Rs. 10,999-a zawrh a ni thung ang. Deepsea Blue colour chiah siam a ni a, Thawhlehni aṭang khan pre-order hun hawn a ni tawh nghe nghe. Pre order tan erawh hi chuan LTE variant zawk hi Rs. 9,999-in an discount dawn niin NDTV Gadgets 360 chuan an tarlang.
Huawei MatePad T8 Key Specs
Display Resolution 1280 x 800 Pixels
Primary Camera 5 Megapixels
Secondary Camera 2 Megapixels
RAM 2 GB
Processor Type MTK MT8768 Octa Core
Display Size 20.32 cm (8 inch)
Internal Storage 32 GB (expandable upto 512 GB)
Processor Speed 2 GHz
Sim Size Nano SIM
Battery Capacity 5100 mAh
Display PPI 189 PPI
Display Type IPS