Bollywood star-te'n Rhea Chakraborty thlavang an hauh

Sushant Singh Rajput thihna thubuai kalzelah Thawhlehni khan a bialnu, Bollywood star tho Rhea Chakraborty chu Narcotics Control Bureau (NCB)-in ruihhlo thubuaiah an man a, hemi hnu lawk hian Bollywood lama a ṭhiante chu social media lamah a thlavang hauhin an auchhuak.

Vidya Balan, Shibani Dandekar, Anurag Kashyap leh Kareena Kapoor-te pawh chung zingah chuan an tel a, anni bakah hian milar dang tam tak pawhin Rhea an thlawpna hi an lantir a ni.

Rhea Chakraborty hian an man lai hian t-shirt-a 'Roses Are Red, Violets Are Blue, Let's Smash The Patriarchy, Me and You' tih inziak a ha a, chu chu celebrity lam hian an social media-ah uar taka post zuiin #JusticeFor Rhea chu an post zui hlawm bawk.