1st Ṭhazual Awards naktuk zanah sem tawh dawn

Zonet Cable TV-in an chart siam, Ṭhazual behchhana awards a siam chu naktuk zan hian dar 8 hian Hawla Auditorium, Treasury Square-ah an sem tawh dawn. Ṭhazual Awards hi a vawi khatna tur a ni a, category pasarih siam phawt a ni a, kum dang zelah category hi pun chhoh zel a ni ang.

Awards semnaah hian zaithiam leh musician te ngaih pawimawh an ni a, hengho hi sawm nasat an ni a, Awards buatsaihtute chuan musician leh zaithiamte a tam thei ang ber kal turin an ngen. Darkar khat leh a chanve awh tura ruahman a ni a, tunlaia Gospel leh lengzema zaithiam kan neih ṭhat ber berte an zai ang.

He awards-ah hian category pasarih siam a ni a, Male Artist, Gospel leh Lengzem, Female Artist, Gospel leh Lengzem, New Artist, Gospel leh Lengzem leh Best Music Video te a awm dawn a, category tina winner hian Rs. 15,000 zel pawisa faiin an dawng ang a, trophy an dawng tel bawk dawn a ni. Mipui vote-a thlan a ni lo a, selection commitee an awm a, chung mite chuan kum 2014 chhunga Ṭhazual chart-a an chet dan aṭangin an lo thlir a, an thlang chhuak.