Simon Cowell an khing dawn

America-a X Factor an neih laia lo tel ve tawh Sally Hessnice chuan Simon Cowell leh X Factor buatsaihtute a khing dawn.

Sally Hessnice chuan a audition chu X Factor leh Simon Cowell te hian zaithiam lo deuha a lan theih nan an edit niin a sawi a, court-ah thubuai a thlen. Sally Hessnice hian kum 2013-a US X Factor an neih ṭuma audition-ah khan Whitney Houston hla, The Greatest Love of All a sa a ni. Hetihlai hian X Factor-ah hian Simon Cowell bakah Kelly Rowland, Demi Lovato leh Paulina Rubio te chu judge an ni.

Hessnice hian Zir­tawpni khan Los Ange­les-a Superior Court-ah thubuai hi a thehlut a, hetah hian X Factor buatsaihtute leh Simon-a te hian zaia eizawng a nihna tichhe thei turin a audition chu an edit a, zai thiam lo deuh angin an lantir niin a tarlang a, zangnadawm nan dollar mtd 2 chawi turin a phût.