China-in mit naute lem a siam

People's Daily-in a tarlan danin China chuan mit naute, Cornea lem a siam a, hei hi mihring mit naute chhia, thlak ngaite thlakna tur a ni. Cornea lem siam chawp hmasa ber niin a tarlang bawk.

Mit naute lem siam chhuah hi a hman tlak a nih chuan khawvela mitdel tam tak mit a var leh thei dawn a, science khawvelah chuan thil siam chhuah pawimawh tak a ni awm e.

Mit naute lem hi tunah hian clinical trial a paltlang tawh a, lei mai theiha zawrh chhuah emaw, pek chhuah emaw a theih ṭep tawh ang. April thla tawp khan National Food and Drug Adminstration hnen aṭangin phalna pawh a hmu tawh a ni.

WHO-in a tarlan danin cornea avanga mitdelna hi khawvela mitdelna tam ber a ni. China-ah bik hian hetiang avanga mitdel hi maktaduai 4 aia tam an awm a, kum tin mi nuai khat vel zet hetiang harsatna hi an nei thar ziah a ni.