15th IFFI-ah Mizo film industry aiawhte tel

55th International Film Festival of India(IFFI) chu November 20, 2024 khan Panaji, Goa-a Dr. Shyama Prasad Mukherjee Indoor Stadium-ah hawn a ni a, November 28 thleng a awh ang.

Film Festival-ah hian Bollywood leh Hollywood-a mi langsar tak takte an tel dawn a, zirtirna hrang hrang bakah inkawm hona hunte neih a ni ang. Festival chhim tur hian Mizoram aṭangin I&PR Department aṭangin mi pali bakah, Mizo film industry lam aṭangin delegate leader Lalruatfela, Mart Visual In hoin mi paruk an tel bawk. Chungte chu George Zoremsiama (G&F Videography), Abarim Lalrammawia (GreenRocket TV Co-Founder) leh 'Rawng Chawhpawlh' film Director, Laldampuia Asst. Director 'The sky is ours' leh film eng emaw zata line producer lo ni tawh leh actress Lalneihi Fanai (Amawii, Two Wheeler Taxi Driver) bakah Judith Lalramengmawii, Miss Mizoram Top 10 lo ni tawhte an ni.