Edu Options 2015 awm leh dawn

Kum dang buatsaih tawh ṭhin angin kumin hian Edu Options 2015 buatsaih leh a ni dawn a, June 1 leh 2 hian Assembly Annexe-ah chawhma dar 11 aṭanga tlai dar 5 thlengin neih leh ṭhin a ni ang.

Edu Options-ah hian university leh college ṭha 40 zet an rawn inlan dawn a, a thlawnin counselling dawn theih a nih bakah college leh university a thawktu tak tak te chauh an lo kal dawn avangin spot admission pawh a theih nghal ang. Edu Options-ah hian AMITY, Sharda University, Residency Bengaluru, IMS Unison, NITTE, Manipal, DIT Dehradun, American Centre te chu lo kal tur langsar zual an ni. Lo tel turte hi zirna in rintlak tak vek, UCG, NAAC, AICTE, MCI leh a ṭul dangtea recognised leh affiliation nei vek a ni.

Edu Options hi luh man a awm lo a, lucky draw neih a ni dawn a, smartphones leh pendrives vawr a ni leh ang. Tihdan pangngaiin a mantute chu an thil man nen thlalak tarchhuah an ni leh ang. Subject duhthlan tur a tam a, Medical, Engineering, BBA, BCA, MBA, Designing, MBBS, Engineering, Fashion, Air Hostess Training, Management, Bio-Technology leh a dangte a awm dawn a ni. Kum dang ang lo takin kumin hian Master Degree zirna zawngte tan pawh duhthlan tur a awm nual a, a duh tan ngaihven theih a ni bawk. Edu Options buatsaihtu Lynchpin hi National leh International Career Fair buaipuitu hlun an ni.