UK Culture Secretary-in fiction anga The Crown dah turin ti

UK Culture Secretary Oliver Dowden chuan Netflix hnenah The Crown fiction anga label turin a ti a, hei hi he film-a thil thleng ṭhenkhat thil tak tak a nih lohzia lantirna tura a tih a ni.

Daily Mail-in an kawmnaah Dowden chuan fiction film produce ṭha tak a ni tih chu a pawm thu leh Netflix pawhin chu chu a tir aṭanga an chian a ṭul thu a sawi. Hetianga an ti a nih loh chuan chhuan lo la kal turte'n thil thleng ṭhenkhat chu a tak tak emaw an ti dawn a ni, a ti.

Dowden hian Netflix hnenah hian official-a ngenna a thlen pawh rin a ni a, episode tinah a tirah fiction a nihzia tarlang tura a ngen rin a ni. Hetianga a tih loh chuan British monarchy chu a hmingchhiat mai Downden hian a hlauthawng niin Variety chuan an tarlang.

Netflix lam erawh an la ngawi a, hetihlai hian Pincess Diana unaupa Charles Spencer pawhin Nilaini hmasa khan ITV hnenah he series hi a dik tawk lo tih tarlan a ṭul thu a lo sawi ve tawh bawk a ni.

The Crown season 4-ah hian Diana chu main focus zinga mi a ni a, episode ṭhenkhatah chuan bulima vanga a harsatna tawh chungchang vel a lang a ni.