Selena Gomez-i'n music tawp san a tum lo

Selena Gomez chuan music a chawlhsan tawh dawn nia thuthang awm chu sawifiahin, a pop star career chu a zo lo tih a sawi.

The Hollywood Reporter-in a kawmnaah, kum 32 mi Gomez chuan lemchan lamah inhman chhunzawm a duh thu a sawi rualin, rimawi lam chu tawpsan mai a tum lo tih a sawi. Kum 2020-a a album tih chhuah, 'Rare' hnuah album thar a la ti chhuak leh lo a, mahse single 'Love On' leh 'Single Soon' te erawh a ti chhuak thung. Lemchan lama insawrbing a duh avangin music lamah erawh a thawm a reh deuh a, hei vang hian a tawpsan tawh mai dawn nia thuthang pawh hi a awm a ni. Gomez hian a hma pawhin music chawlhsan chungcahng hi a lo sawi lang tawh a, interview-ah pawh music chu 'hobby' tiin a sawi a, a album tih chhuah leh hun tur pawh engmah a la hriat loh thute a lo sawi twh a ni.