'Enola Holmes 3' siam leh dawn

Netflix hit film franchise, 'Enola Holmes' chu director Philip Barantini hnuaiah a pathumna siam chhunzawm a ni leh dawn. Franchise star, Millie Bobby Brown chuan Enola role a rawn chang leh dawn a ni.

'Enola Holmes' film hmasa ber hi kum 2020, Covid-19 hripui len lai khan Netflix ah tih chhuah niin a hit hle. Nancy Spinger lehkhabu behchhana siam niin, Enola hian a nuṭa, Sherlock Holmes (Henry Cavill) hnung zuiin thil mak tak takte a chhui chhuak a ni. 'Enola Holmes 3' siam a nih tur thu hi sawi lang tawh mah se a plot lam erawh sawi lan a la ni lo. Brown hi Netflix nen an inzawm ṭha hle a, a film dang 'Stranger Things' pawh a hlawhtlinpui hle a, a film thar "The Electric State" pawh Netflix-ah tih chhuah a ni ang.