Lelte Awards 2024 Lengzem zan

Lelte Awards 2024 Lengzem zan chu zanin hian Dawrpui Multipurpose Hall-ah neih a ni dawn. Lengzem-ah hian category 24-ah award sem a ni ang.

Zanina hun hman tur hi Janis Hnamte in a host dawn a; Zonet Bawhbel, LPS 10 leh Lelte YouTube channel-ah live a pek a ni leh ang. Lengzem artist lar tak takte an perform dawn a, mit leh beng a tlai viau ang. Zanina perform turte hi - J.Lalrosanga, Lalrindiki Renthlei, H. Lalrempuia & Melody, Lilac, Mary Dawngi, H.O.M, Young Fella leh Scavenger Project te an ni. Red carpet hi zan dar 6-ah ṭanin, show hi zan dar 7-a ṭan tur a ni.

Lengzem zanah hian Biaka Shoute, New Delhi leh Sailo Nu, USA chu Special Award an hlan dawn a, mi pali - Romalsawma (Roma Hmar), Vanlallawmzuala Varte (Elzet-a), Zira PC leh Denic Lalruattluanga te hnenah Young Achiever Award hlan a ni bawk ang.

Lelte Music Awards hi Mizorama music awards hlun ber niin, kum 1984 aṭang khan neih ṭan a ni a, kumin hi a vawi 33-na a ni. Nizanah khan host Puii Pautu kaihhruaiin Gospel zan hman a ni a, category 14-ah award sem a lo ni tawh bawk.