Rose single thar 'Number One Girl' a chhuak

Blackpink member, multi-talented star Rose chuan nimin, November 22, 2024 khan single, 'Number One Girl' a ti chhuak. A hla thar hi ballad lam a ni ve thung a, a music video hi ama direct a ni bawk.

Rose leh Bruno Mars te sak dun, 'APT' chu an hlawhtlinpui hle a, Billboard Japan Hot 100-ah No 1 ah awm mekin, kum 10 chuang hnua Japanese song chart-ah Western Act in No 1 a luah vawi khatna a ni. Hei bakah hian Billboard Global 200 leh Billboard Global Excl US chart-ah No 1 an nih pui bawk. 'APT' leh a hla tih chhuah thar, 'Number One Girl' hi December 6-a Rose debut solo album chhuak tur, "rosie" ah a dah ve ve dawn. He album-ah hian hla 12 a dah dawn a, he album siam tura a inbuatsaih nasat ziate pawh a lo sawi tawh a ni.