Katy Perry vs Katie Perry : Singer-in hnehna a chang

Australian designer, Katie Taylor-in trade-mark chungchanga a khinnaah, singer Katy Perry zawkin hnehna a chang.

Katie Taylor hian a birth name, Katie Perry tih hming thawmhnaw a siam a, hei vang hian pop star Katy Perry-in 2014-a Australia tour a neiha a hminga sumdawnna a kalpui tel chungchangah a khing. Nikum khan Australia court chuan Taylor hi thiam a chantir a, mahse Perry hian a appeal a, appeal judge chuan court thutlukna lo siam tawh chu hnawlin, Perry hian a trademark hi Taylor-in sumdawnna a ṭan hma kum ngaah a lo hmang tawh a ni tiin, khawvel huap pawhin hriat a hlawh tawh a ni, an ti. Perry thiam an chantir rual hian Taylor trademark registration pawh an cancel sak nghal bawk. Perry hi a comeback album 143 pualin nakkum kumtir lama Lifetimes world tour nei turin a inbuatsaih mek a ni.